Dr Maa macht z Fleisch. Z Gwürz hetr säuber baschtlet - us üsere riise Gwürzuswau - vorwiegend asiatischi und afrikanischi Gwürz. Är nimmt d Bratpfanne, duet Kokosöl dri und wartet ab.
Y bi fürs Gmües zueständig. E huere Büez: wäsche, rüschte, hacke, schniide. Da isch nüt mit abwarte. Y mues lifere und springe vor Ablag zum Herd und retour. Drzue singeni sicher lut und vilech fautsch. Mir hei gnue Platz ir Chuchi - das isch z'erschte womr nöi gmacht hei -denn, 2017.
Z Fleisch brätlet, dr Maa hangets ufm Sofa, luegt zwöi mau zu mir übere: "chani öbbis häufe?" Nei, chaner nid. Y mues das elei mache, süsch chömememr üs trotz viu Platz no i Wäg. Z Gmües chunnt chlei Salz und Pfäffer über, d Aubergine wärde im Öl ygleit, dr Fänchu chunnt i Salat. Salatsosse muesi ono mache. Geit zackig - hani vom Mami glernt und chlei abgänderet. Öbbe e haub Stund - de chöimer ässe. Z Fleisch isch genau richtig bratet - was nid immer dr Fau isch - und mis Gmües bringt Farb i Täuer.
E Guete..
Keine Kommentare:
Kommentar veröffentlichen