Sie cha süess - und suur. Sie erfrüscht und weckt. Me cha aues vore bruche - usse und inne. Me chase uspresse oder aus Deko bruche. Sie straut Wermi und Sunneschiin us. Chlei Fürabegfüeu, hocke ungerde Böim, Glächter um eim ume, warms Liecht - oder Sunneungergang. Lampion - in gäud, Zitronewasser: Aus Medizin, oder im Apéro oder aus Zitronetürtli. Viusittig, e schöni Form. Sunne.
Zitrone pflücke isch sicher herti Büez. Me gsehtsere gar nid a - weder die herti Büez vode Büezer, no ihre längi Reis. Sie isch eifach da und wartet uf ihre Job. Ischsi dr Star? Oder ischsi nume e Teil vom Ganze? Sie cha sowou elei aus ou mit angerne. Unabhängig ischsi. Schön ischsi. Weiss si das äch? Weiss sie äch, wie guet si eim duet? Und wieviu Chraft sie eim git?
Keine Kommentare:
Kommentar veröffentlichen