Kennsch das? Närvos wartisch uf das, wo chunnt. Oder uf ihn. Oder uf sie. Härzchlopfe, bitzli gschmuech ischsdr im Buuch. Öbs äch guet chunnt? Und was wär de guet? Auti Sozifrag: "Woran erkennen Sie, dass es gut ist?" Auti Klient*inneraeaktion: Schulter zucken.
Aso heissts, abwarte. Und es Bier trinke. Hiuft meistens, z Bier trinke. Nume d Läbere fröits nid so. Aber die isch hüt stiu. Sie het verstande; hüt herrscht Usnahmezuestand. Churz vor Armageddon. Irgendwo zwüsche Rollercoaster-Ride und Fau ufe Betonbode. Irgendnöime zwüsche All-In und Knock-Out.
Häbsches, dis aute Wyberhärz? Hesch nume eis und muesch guet zu ihm luege. Mängisch heissts: festhäbe. Dases dir nid abhande chunnt. Dases dir nid drvo louft. Nöime angers häre, wos vilech schlechter isch aus im Jetz.
Auts Wyberhärz - zwar aut, aber no lang nid weise.
Keine Kommentare:
Kommentar veröffentlichen